Pizza Maru (希慎廣場)

Open Now

Now Closed

呢間之前都想試，今日趁着係平日，又係下午茶時間，冇乜人等位所以就入去食啦！鳳梨蝦芝士燴飯:一上枱啲芝士就卜卜卜卜咁樣，趁佢熱就即刻同佢啲飯撈埋一齊，食落去都有調味辣，其實都可以稱之為唔辣嘅，份量都唔少㗎，成個飯有鳳梨既甜，加上芝士嘅香味，好好食，不過啲蝦就比其他味搶晒嚕！火辣秘製炸雞：叫咗六件炸雞，好好食，就算話係火辣都唔係話真係好辣，果醬甜甜地，啲雞炸到啱啱好，有啲係雞胸肉，有隻雞翼，有隻雞鎚，估計係半隻雞啦！炸粉都唔係話好厚，整體來講，我覺得必須要點炸雞，下次可以試吓其他味。最後叫咗兩杯嘢飲，嘢飲既present都幾靚丫，好飲既！一杯係柚子汽水，令一杯係荔枝味低酒精嘅酒。