Isaac Toast (新城市廣場三期) (Closed)

今日過左正餐時間，唔想食正餐，又去開沙田新城市第三期，不如試吓韓國過江龍。店面細細只有十幾個位，如果唔係疫情原因相信要大排長龍，原來主打多士同咖啡，由於個人唔喜歡煙肉火腿，所以揀咗個辣雞多士。買嘅時候部機貼住要等30分鐘都嚇一嚇...不過人唔多5分鐘已有得食！個包應該有牛油烘過，香香甜甜，以為係雞粒點知係雞漢堡，帶點微辣都幾得意。酸瓜同酸甜汁都幾開胃，炒蛋就唔係太突出不過濕濕地，加埋口感整體都唔錯。有趣嘅係，餐紙上有聖經故事，而Issac係聖經人物以撒，似乎店舖同基督教有關連？