大壹冰室 (Closed)

因為經過附近，見到出面有頗多人排隊，於是就決定排埋一份。店舖裝潢以懷舊做主題，所以採用原木暗色為主調。雖然係冰室，但下午茶以西式同日式為主，並唔似一般茶餐廳下午茶。叫咗煙三文魚蜆肉天使麵，三文魚份量正常，白汁煮得濃郁，不過可惜蜆肉分比較少，但係天使麵都算份量充足。40幾蚊一個下午茶來講算相當飽肚，相等於午餐嘅份量。希望下次可以試吓佢嘅晚餐！