紅蔥頭 (Closed)

同朋友約咗喺朗豪坊行街行到攰，搵個地方抖一抖，飲個下午茶先！經過紅蔥頭，見到餐牌嘅選擇好豐富，價錢都好相宜，而且門口招呼我哋嘅侍應都非常之熱情，就入左去坐啦。我哋兩個行咗成日，都非常之肚餓總共叫左三個下午茶餐。朋友揀咗德國臘肉腸煎蛋公仔面，我就揀咗芝士忌廉汁煙三文魚焗長通粉。我哋兩個揀完主食之後，都不約而同咁對於鐵板一口牛好有興趣，咁我哋就決定好放肆咁樣叫左三個餐呀！《芝士忌廉汁煙三文魚焗長通粉》呢個係明智嘅選擇，芝士忌廉汁好幼滑，好香濃。煙三文魚份量都好多。至於長通粉，火候控制得非常好，焗到煙煙靱韌咁。呢個焗長通粉上面，仲有少少香草吊味，增加左味道嘅層次。香滑嘅忌廉汁，陪半熟嘅三文魚，加上煙韌嘅長通粉，口感一流，一陣間就食晒一大碟啦！《德國臘肉腸煎蛋公仔面》朋友係公仔麵怪，去到邊度見到公仔麵都一定會叫黎食。個人對公仔麵就冇乜興趣，所以就冇試食。只係食咗一啖佢嘅德國肉腸，小小辣都幾好食架。《鐵板一口牛》呢個牛肉佢哋用咗鐵板上，上枱嘅時候都保持左一定嘅熱力，增加左食物嘅口感。厚切牛肉粒成功甘鎖住左肉汁，一啖咬落去，好juicy。牛肉粒都有牛味，調味方面，都係偏重口味嘅。有少少驚喜嘅地方，