肉餅哥小炒料理 (Closed)

瞓到安樂醒，諗起係時候煲啖湯了，又唔想午市時間專程坐車出大圍同人迫，便與女兒行過附近美林搵食及順便買餸。經過美林冬菇亭既肉餅哥，心諗..上次自己衰好奇，試埋D古靈精怪肉餅啫，今次叫番d傳統的，包穩陣了吧？坐低睇餐牌，咦～已下午1點了，仲有早餐?啱曬，唔駛勉強自己食飯了。叫了兩份早餐，女兒叫五香肉丁麵，這個一定冇問題，包穩陣。腸仔蛋都冇得衰的。我心諗，呢度係肉餅才是主角，叫了椒鹽肉餅麵，咬一口後的感覺...即刻心裡罵自己，都話唔好再咁好奇架喇!唔可以講好難食，但我對乾爭爭的食物，真的沒興趣。唯一較安慰的是，上次來食晚飯，冇茶啡飲，只得現成飲品。今次白天來，有杯凍啡飲吓。