Video
Read full review
2022-06-18
319 views
今日同男朋友入西貢做義工，搵緊餐廳食早餐時突然落雨，經過呢間小店門口老闆娘親切地話入面有位，所以我地就入左去點完餐諗住借個廁所，我有點潔癖，入去前我都有心理準備需要戰戰兢兢，佢個廁所其實幾寬敞亦唔算污糟，只係馬桶內有紙巾同糞便無沖廁，所以我無去到，淨係洗下手就出返黎我叫左菠蘿油拼西煎雙蛋（$34），男朋友食煎牛扒、西煎雙蛋拼牛油方包（$42）5分鐘左右，齋啡奶茶先到，咖啡應該係雀巢即沖咖啡粉，奶茶嘅茶底好淡薄，比較似有茶味嘅淡奶菠蘿包應該係隔夜麵包攞去蒸 / 叮，個飽係好夠熱，但係成個飽濕而油，睇相都應該睇得出個菠蘿皮完全唔脆，牛油再滲透菠蘿包嘅一半，由於已經夠油潤，所以我最後攞走大部分牛油，有被牛油滲透嘅部分還好，飽底無被牛油滲透嘅地方好乾，好彩分左半個飽俾男朋友，換左半塊方包黎平衡一下心理🙊我以為西煎雙蛋會有燶邊，原來無，呢個應該係我對西煎雙蛋嘅誤會，同埋兩隻蛋非常油，不過蛋黃有流心，都開心返☺️男朋友嗰個餐都好精彩，塊牛扒煎到變左黑色🤭 但佢嘅牛油方包好過我個菠蘿油好多，薄方包搽牛油煎，趁熱食應該脆脆地，成個早餐最優秀係佢👍🏻建議：菠蘿包隔夜唔緊要，起碼買部焗爐翻熱，煎野嘅火候可以
點完餐諗住借個廁所，我有點潔癖，入去前我都有心理準備需要戰戰兢兢，佢個廁所其實幾寬敞亦唔算污糟，只係馬桶內有紙巾同糞便無沖廁，所以我無去到，淨係洗下手就出返黎
我叫左菠蘿油拼西煎雙蛋（$34），男朋友食煎牛扒、西煎雙蛋拼牛油方包（$42）
5分鐘左右，齋啡奶茶先到，咖啡應該係雀巢即沖咖啡粉，奶茶嘅茶底好淡薄，比較似有茶味嘅淡奶
菠蘿油拼西煎雙蛋
$34
9 views
0 likes
0 comments
菠蘿包應該係隔夜麵包攞去蒸 / 叮，個飽係好夠熱，但係成個飽濕而油，睇相都應該睇得出個菠蘿皮完全唔脆，牛油再滲透菠蘿包嘅一半，由於已經夠油潤，所以我最後攞走大部分牛油，有被牛油滲透嘅部分還好，飽底無被牛油滲透嘅地方好乾，好彩分左半個飽俾男朋友，換左半塊方包黎平衡一下心理🙊
我以為西煎雙蛋會有燶邊，原來無，呢個應該係我對西煎雙蛋嘅誤會，同埋兩隻蛋非常油，不過蛋黃有流心，都開心返☺️
男朋友嗰個餐都好精彩，塊牛扒煎到變左黑色🤭 但佢嘅牛油方包好過我個菠蘿油好多，薄方包搽牛油煎，趁熱食應該脆脆地，成個早餐最優秀係佢👍🏻
建議：菠蘿包隔夜唔緊要，起碼買部焗爐翻熱，煎野嘅火候可以考慮放喺燶邊蛋，而唔係煎黑塊牛扒
總結：師傅對油毫不吝嗇，成個早餐我感覺自己食緊油多過食食物，只能說呢間茶記嘅環境衛生同食物同我想要嘅有點出入
Post
