泰國佬餐廳 (Closed)

新年前經過廣福道，很多餐廳都要等位，見這間泰國菜午餐時間仍有位，便試下。店舖不算大，沒有卡位，右邊是長枱長櫈，座位沒有靠背；左邊座位就會坐得舒服些，如果滿座，應該會幾迫。午餐點了黃咖哩牛腩和菠蘿雞粒炒飯。落單後，看見隔離的海南雞飯送來，好似好好味，有些後悔無揀！侍應問要不要湯，以為要另外加錢，原來是跟餐的。冬蔭功湯，第一口覺得有點辣，但飲落就適應，湯的材料十足，香茅味最搶。咖哩有黃/青/紅選擇，今次先試黃咖哩，有很濃濃的椰汁味，不習慣辣味的也可以。牛腩煮得夠腍和入味。菠蘿雞粒炒飯，配料豐富，有臘腸、札肉、雞肉、青豆、提子乾、雞疍等，有新鮮菠蘿和提子乾，炒飯變得爽甜，完全沒有油膩感。唯獨奶茶有點失望，淡奶不夠！年卅至初四要加10%，合理的！下次要再來！