暢和麵家 (Closed)

第一次去呢間餐廳食飯，係同朋友無意中走咗入去，我本身非常之鍾意食菜肉雲吞，就叫咗一碗嚟試，食過之後，驚為天人，每次經過附近都會走去食一碗。呢度個菜肉雲吞皮薄饀靚，餡料菜同肉嘅比例相當出色，調味亦啱啱好，唔覺得有味精。湯底亦都係極力推介，我唔知道佢湯底用咗乜嘢材料，但係青得來有味，我每次都成碗湯飲到一滴不漏，連生菜同配料韮王都一條不留。價錢亦一啲都唔貴，下午茶更加抵。不過今次去食，唔知抽起邊條筋，想試吓佢個沙薑雞，平心而論，味道其實都唔錯，雖然雞肉唔算太嫩滑，但係同個菜肉雲吞相比，就差天共地，下次都係唔好口痕，寧願食多碗菜肉雲吞。