醬家 (Closed)

話說有日做嘢經開油麻地旺角，咁啱個客又遲到，知道附近有間新拉麵店，摘日不如撞日，索性邊試菜邊打發時間。門面持意打造成日式食店咁，查實有啲'娘'，店內電視播放日本飲食節目，可惜裝潢沒半點東洋風。從筷子嘅擺放就睇到店內冇日本人提點，對日本餐具擺放沒甚研究。招牌蕃茄辣蝦拉麵 - 好大隻碗，隻蝦都唔弱，比芳間嘅的確大很多，仲剝埋殼，啖啖肉。蝦肉爽脆，發出微微牛油香，蝦頭滿膏，實屬佳品(以麵食配料比較)。湯麵面灑上芝士粉增添味道層次，蕃茄湯香濃，酸甜恰當，黏稠掛麵。敗筆於麵，麵稔係大忌，連揀硬麵都冇得揀就更加要檢討。將碗麵嘅湯，餸分開，獨立評分，的確驚喜，在成本上漲嘅情況下，依然落料十足，值得表揚。可惜麵質欠佳，而且味道組合起來完全感受唔到食緊日式拉麵。呢碗算係一碗不錯嘅拉麵，只不過唔係日式啫。