Spark Bar & Restaurant (Closed)

其實平時都好少會去到中環食野，而今日同朋友行完大館，再行咗陣街，就去咗附近食野。上網比較完之後揀咗呢間價位相對高少少，但幾高評價嘅餐廳，平時仲有live band🎹🎸🥁有兩款水可以揀，有普通水同埋有汽嘅水麵包係自家製，口感好鬆軟，配埋我最鍾意嘅橄欖油😁我地一人揀咗一款主菜嚟share，我揀咗Carbonara，因為見到人地啲食評好似好好食咁～另外仲有成個半熟蛋，加上四件大大片嘅海膽，賣相已經覺得與別不同。意粉係用咗煙斗粉，可以裝住少少醬，每一啖都食到啲汁個感覺好正！海膽味道好鮮甜，一啲都唔腥，而且意外地同成個意粉好夾，滿意👍🏻朋友話好耐無食牛排就揀咗呢個7成熟嘅美國Ribeye ($498)同樣係賣相好靚，要相機食先～食落肉質剛好，唔會太實而且好細嫩，加上牛油又更加之香😋另外仲有牛骨髓，聽就聽得多，但真係好少食，味道好濃郁，口感有少少似嫩滑啫哩，入口即融！整個感覺係牛味非常突出，食完齒頰留香～😍難得嚟到蘭桂坊又點可以唔飲下酒呢～我叫咗杯signature cocktail，個名叫Misery，中文係「失戀王」😂係芒果加薑味嘅rum，再加少少辣椒係入面，fresh得嚟又有少少刺激嘅感覺。