泰媽媽雞飯 (新鴻基中心) (Closed)

#泰媽媽雞飯 🐔海南雞飯應該係大家其中一個好鐘意既泰國菜式😉 而當中既靈魂係個醬！喱度個醬係出色既！👍🏻 搞到小編會將件雞點滿晒醬汁咁食！仲會直接撈飯食添😝 不過今次比較可惜嘅係食到雞胸肉，所以感覺唔到雞肉嘅滑嫩，今次小編鍾意食佢個油飯更加多🙈.#特式鮮蝦炒金邊粉 🦐小編最鍾意嘅泰國菜煮食就係炒金邊粉！😍 不過今次呢度嘅金邊粉同平時食嘅有啲唔同⋯🤔 佢嘅味道唔係話好重口味，相對偏淡，所以大家喺顏色方面，會見到佢唔係好似出面食到嘅橙紅色咁，反而係少少淡黃色再加上櫻花蝦嘅粉紅色，好特別🤣 不過佢嘅鮮蝦都算大隻同幾彈牙🍤.#泰式芒果糯米飯 🥭🍚小編覺得佢係今日食到最好食嘅第2️⃣位，小編估因為芒果未必係當造嘅時間，所以佢都會係有少少甜中帶酸～但係佢係非常之多汁🤩 而且啲糯米飯都算煙韌，加埋佢啲椰汁好味😋.#泰式奶茶 #青檸Soda 🥤一個除咗台式珍珠奶茶以外，絕對唔飲其他奶茶嘅小編，竟然覺得呢度嘅泰式奶茶係今次試到最有驚喜同埋味道都唔錯嘅第1️⃣位😱可能因為佢嘅茶味好濃郁之餘，入面加入嘅煉奶唔會令到杯奶茶好甜漏，反而係令到佢更加順滑同埋易入口，所以小編飲完都覺得好難忘鍾意飲奶茶嘅朋友絕對要試吓😎.📌