11
12
11
(Non-member)
0
0
不一樣的美食廣場…？
2008-06-18
　　呢間位於太古城中心入面大食代（即係俗稱美食廣場）既舖頭，同一般美食廣場既形式好唔同，有固定座位、要排隊、價錢貴…　　我一行兩人誤打誤撞黎倒呢間舖，坐低招呼唔算周到，只係擺低左個例湯，但轉頭都主動過黎同我地落單。落單後就開始等…呢間野特式之一係睇住個師傅即場炒即刻有得食，熱辣辣送到你面前。每一set都包一個主菜 ，白飯，例湯，青菜同芽菜。首先黎到既係青菜同芽菜，個芽菜就不過不失，而個青菜就唔錯，不過略為咸左少少…由於個師傅預個份量唔夠，剛去到我同我朋友時，只得一份青菜，結果要等另一為師傅再補炒番。我地試左兩個師傅手勢後，味道明顯有分別。第二份明顯無咁咸，不過都幾好！　　最後就係個主菜，我地分別食左羊肉片同雞扒，點知個師傅一個唔小心俾錯份西冷牛，食左一舊後發覺唔對路同師傅講，佢都好有禮貌講唔好意思同再補番俾我地，結果反而益左我地試埋個西冷牛！份量方面其實係比較細，味道方面：羊肉片我覺得幾好，不過其實都仲有少少少少”蘇”味，雞扒就普普通通，西冷牛唔錯呀！（另外，個青菜同芽菜份量係好大！唔似得平時出去食野求其俾兩條菜就話跟埋菜咁…）　　我地兩人都好滿意今餐，最後仲加多個青菜食，埋單一百二十
Read full review
　　呢間位於太古城中心入面大食代（即係俗稱美食廣場）既舖頭，同一般美食廣場既形式好唔同，有固定座位、要排隊、價錢貴…
　　我一行兩人誤打誤撞黎倒呢間舖，坐低招呼唔算周到，只係擺低左個例湯，但轉頭都主動過黎同我地落單。落單後就開始等…呢間野特式之一係睇住個師傅即場炒即刻有得食，熱辣辣送到你面前。每一set都包一個主菜 ，白飯，例湯，青菜同芽菜。首先黎到既係青菜同芽菜，個芽菜就不過不失，而個青菜就唔錯，不過略為咸左少少…由於個師傅預個份量唔夠，剛去到我同我朋友時，只得一份青菜，結果要等另一為師傅再補炒番。我地試左兩個師傅手勢後，味道明顯有分別。第二份明顯無咁咸，不過都幾好！
　　最後就係個主菜，我地分別食左羊肉片同雞扒，點知個師傅一個唔小心俾錯份西冷牛，食左一舊後發覺唔對路同師傅講，佢都好有禮貌講唔好意思同再補番俾我地，結果反而益左我地試埋個西冷牛！份量方面其實係比較細，味道方面：羊肉片我覺得幾好，不過其實都仲有少少少少”蘇”味，雞扒就普普通通，西冷牛唔錯呀！（另外，個青菜同芽菜份量係好大！唔似得平時出去食野求其俾兩條菜就話跟埋菜咁…）
　　我地兩人都好滿意今餐，最後仲加多個青菜食，埋單一百二十左右。
　　
　　ｐｓ：其實間舖ｄ野食味道都偏濃同咸，而且落得好多蒜蓉，好唔好味真係有ｄ見人見智，不過就食正我同我朋友個瓣，食得濃味ｄ既朋友可以一試！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$60 (Dinner)
Recommended Dishes
  • 個西冷牛唔錯！