天浮橋拉麵 (Closed)

自從上月去完日本後，一直念念不忘當地美食，今日來到元朗，見到呢間拉麵小店，一於黎懷念下日本之旅。餐廳門面以全木設計，好有懷舊日本風，店內裝潢彷如日式拉麵店，所有座位都對住廚房，可以睇到師傅嘅烹調過程。鹽雞白湯拉麵 :餐廳主打鹽雞白湯，同傳統豬骨湯唔同，雞白湯濃厚得黎無咁油膩，麵條粗身彈牙，沾滿湯汁好好味，錦爽雞腿肉肉厚鮮嫩，同雞白湯好夾，配菜有溏心蛋、木耳絲、紫菜及京蔥，真係好有日本風味。另外亦叫咗6隻餃子，外皮煎得金黃香脆，內裡餡料豐滿，有好多肉汁。