Video
Read full review
2017-05-10
419 views
位於銅鑼灣金朝陽中心二期嘅Penthouse，唔單止餐廳環境靚、地方大，而且擁有落地玻璃，可以遠眺維港景色，另外，餐廳樓底夠晒高，餐枱之間的空間又夠寬敞，啱晒兩個人傾計食好野。Menu上嘅食物選擇好多，前菜、主菜、甜品、酒類一應俱全，令我哋有d選擇困難，同朋友商量左好耐，終於決定好order以下三樣：Crab Cake $188雖然蟹餅唔算大份，但個人應為食物貴精不貴多，精緻嘅蟹餅內有九成都係新鮮蟹肉，絕對唔係一般粉餅，鮮甜嘅蟹肉味充斥著口腔，就咁食已經好鮮味。但如果追求更多味道層次享受，仲可以將蟹餅配埋唔同嘅醬汁一齊食，包括：牛油果醬、芒果醬、沙律醬，別有一番風味！個人比較喜歡配芒果醬，口感比較清新。44 Degree Slow-cooked Akaroa King Salom $398由於三文魚以慢煮方式進行烹調，所以肉質比較嫩滑，咀嚼時感覺到魚肉中慢慢浸透魚油嘅香味出來，口感同味道都好正。其實除咗主角三文魚外，配角亦唔可以忽視，用香濃海鮮湯配蟹肉及帶子煮成嘅小意粉(實際上係一粒粒好似珍珠咁上下大細，但係質地好似意粉嘅東西，哈哈！)，同樣好食，仲夠曬飽肚。Prime Rib-eye
Menu上嘅食物選擇好多，前菜、主菜、甜品、酒類一應俱全，令我哋有d選擇困難，同朋友商量左好耐，終於決定好order以下三樣：
Crab Cake $188
雖然蟹餅唔算大份，但個人應為食物貴精不貴多，精緻嘅蟹餅內有九成都係新鮮蟹肉，絕對唔係一般粉餅，鮮甜嘅蟹肉味充斥著口腔，就咁食已經好鮮味。但如果追求更多味道層次享受，仲可以將蟹餅配埋唔同嘅醬汁一齊食，包括：牛油果醬、芒果醬、沙律醬，別有一番風味！個人比較喜歡配芒果醬，口感比較清新。
44 Degree Slow-cooked Akaroa King Salom $398
由於三文魚以慢煮方式進行烹調，所以肉質比較嫩滑，咀嚼時感覺到魚肉中慢慢浸透魚油嘅香味出來，口感同味道都好正。其實除咗主角三文魚外，配角亦唔可以忽視，用香濃海鮮湯配蟹肉及帶子煮成嘅小意粉(實際上係一粒粒好似珍珠咁上下大細，但係質地好似意粉嘅東西，哈哈！)，同樣好食，仲夠曬飽肚。
Prime Rib-eye steak 12oz $428
12安士嘅肉眼扒份量十足。由於朋友唔鍾意食太生嘅肉，所以我哋ordered 七成熟，未上菜前，其實我內心都有啲擔心會唔會overcook(因為出面好多餐廳都有咁嘅情況)。不過，上菜後，切開牛扒一看，發現果然係七成熟，證明廚師功力夠好，抵讚！牛扒亦配上兩款醬汁：芝士汁及燒汁，不過我個人就鍾意就咁食，比較原汁原味。
最後，呢餐飯我哋足足食咗兩個鐘，能夠一邊同朋友傾下心事、一邊品嚐美食，人生一大樂事！下次都會再選擇黎呢間餐廳！
Post
