ZERO (Closed)

食物質素極一般，我們兩個人叫了一份蜆肉意粉、小食摩天輪同雞翼，另外叫兩杯飲品。首先意粉份量少，淡而無味，賣相感覺上似係屋企事但煮完就食咁，又唔洗要擺到又花又點，但最起碼都有啲岀街食既賣相咁呀，同行友人食完話比薩x亞的意粉更難食。第二，個小食摩天輪，呢個見個個都叫以為好正，一黎到賣相幾好，打下卡都不錯，但一食啲小食，個肉丸食完唔知食緊乜，反而係丸上面既木魚更好食，跟住到啲炸野，食落又油又無味，最好食反而係果幾塊又硬又乾既麵包(點醬食)。最後個雞翼，上面有啲栗米脆片，多餘的，食落又無味又唔脆，無助提升口感，唔知放黎做乜。食完所有野都好無滿足感，食得唔開心，個原來埋單就要$500，呢500蚊洗得唔滿足，轉個頭仲要買返d雪糕食令自己心情好啲。