鍋心八鮮蒸鍋

Open Now

Now Closed

打算同朋友聚會就約係到食，我朋友比較鍾意食海鮮所以就決定試下！因幾年前食過水準都唔錯，順便看看有沒有改變！一入到去其實人真的不多晚上7:00，加上是平日不多人都是正常的！入到去侍應同我地講2小時用餐時間，這是香港慣常，都見怪不怪！叫咗個龍蝦餐，一開始有個蟲草花湯都幾好飲，之後服務員就開始幫我地蒸食物，感覺非常之趕，但可能人流不多，食材流轉慢，龍蝦梅不爽口，其他食物須然話係有配料選擇去蒸，但無咩味！聖子比較細隻豉汁加咗落去都無咩味道！蠔一般，兩隻似台山蠔，鮑魚蒸還可以！八寶飯可選擇八個配菜，飯都未食哂，就立刻上甜品，個甜品好甜！我地食唔哂個飯，服務員見狀立刻話比個盒我哋，一嚟個盒後就立刻幫我地埋單，問都無問超快速！但係我地都係坐咗個半小時，都未夠時間，真係好趕！但又無咩人！但如果要食蒸海鮮的話不會選擇啊！每人$300到没加一！感覺好像食快餐！服務真的不太好！