悅來酒店咖啡室 (Closed)

見三百蚊有找，抱著一試無妨嘅心態試下⋯點知失望而回⋯最初，見食物款式睇落唔錯，呢個價位算ok啦。雖然無蠔，但都有青口、蟹腳、炒蟹、扇貝⋯一坐落，諗住拎碗湯飲下先，見個牌寫腸仔金寶湯⋯完全呆咗。咁去飲品區啦，只有汽水二款，茶都無⋯莫講果汁（全程水亦無人添，亦搵唔到人添，亦無得自己斟，焗飲果二款汽水）到望落ok嘅食物，冷盤，伏⋯蒸魚腥，避風塘炒蟹嘅肉無蟹味亦無辣味（無入味），羊肉蘇⋯甜品普通⋯原本放工好肚餓，結果得個m字頭嘅雪糕好食，其他都伏⋯整體而言，普通放題以下質素，但以上價錢，同區可以有更多選擇（除非好想要去酒店食飯呢個名）