正宗上海生煎皇 (Closed)

之前岩岩新開張有幫襯過，直至依家都幾年了，仲開左好多分店！每次見到咁多人，又唔係坐得好舒服，好迫咖，都唔係好想入去。但今日真係真係好想食小籠包同生煎包，所以再等一下啦！入到去朋友想食東坡肉菜飯，個飯唔熱，啲飯係勁硬，我哋仲以為係生米。啲肥豬肉係多肥少肉，完全唔入味，好睇到佢係一舊煮完切，都正常既，但完全無味，同豉油煮腩肉差不多。小籠包四粒，穿左一粒，本身都無乜湯，穿左就唔使講啦！無曬湯，肉唔多汁。收口位又硬，好似生麪粉未熟透既感覺。生煎包咁多人食都唔熱，仲有啲硬皮既感覺，油到爆，又無汁。我係未入座前，仲俾左$50做會員，好即刻後悔左。