逸翠軒點心專門店 (Closed)

搬家過後仲未熟習環境，但都要四出搵食。今次搵到「逸翠軒點心專門店」之前係尖沙咀見過，竟然開到去長沙灣青山道305號地下。上網睇報導話「 逸翠軒點心專門店」用十足靚料點心聞名，近期晚市推出麻辣雞煲火鍋放題+點心拼盤，都係$168包任點火鍋配料同飲品任飲，咁抵食點可以錯過。先參觀一下有咩好飲，走到雪櫃不單有罐裝啤酒汽水仲有椰汁珍珠奶，好特別呀～點都要飲番杯，果然椰汁珍珠奶好有椰子香，仲唔太甜，好好味，抵讚!跟住麻辣雞煲上檯，份量有成隻雞咁多，超多而且味道夠晒麻辣，惹味香濃。食完雞煲再嚟加湯再打邊爐，因為雞煲份量太多，今次叫下肥牛，鮮蝦，丸類同蔬菜。火鍋配料都好新鮮，下次真要帶多幾位朋友一齊嚟大擦一餐。至於點心拼盤，每人一籠有燒賣、 潮州粉果及韭菜餃，點心水準很好，似自家製味道很不錯。其實仲有其他點心，款式十分多，平時嚟飲杯茶食個點心都可以。整體上「 逸翠軒點心專門店」 抵食好食，環境舒適又闊落，性價比極高，回頭率十分高。