Video
Read full review
2017-08-14
408 views
因為公司附近都冇食店，最近都要行20分鐘，所以平時lunch都係帶飯或者食canteen多，canteen就是大X樂，食多幾日都食到厭。最近因為工作關係，耐唔耐都有機會去樂富，終於叫做唔洗行咁遠都可以有多啲選擇。同樂富的同事食lunch通常食貴嘢，今日同事都出外工作了，得返得一個，就自己去樂富商場睇下有咩食。＊＊＊＊＊＊＊＊＊＊＊＊＊天氣熱唔想食飯，而且特別想食酸嘢，附近冇譚仔或南記，見哩間米線陣都有酸辣米線，就決定揀哩間。黎到已經一點，入面坐滿人，好彩我得一個人，好快就可以有位。米線陣係美心旗下，座位就似貴版譚仔，比較乾淨整潔，就算一個人要搭枱都唔會好迫。餐牌入面有幾款固定米線，但因為冇酸辣，所以我決定揀米線自由配，可以自己揀米線、配料同湯底。鹵水牛展+清甜蘿蔔酸辣薯粉($41)湯底有六款選擇，有辣有唔辣，本身跟左腐皮、芽菜、芫荽、芝麻同米線($25)，另外亦可以加錢轉薯粉或稻庭烏冬，我就加左$3轉薯粉。配料則有廿多款選擇，由$5至$8，我揀左鹵水牛展($8)同清甜蘿白蔔($5)。酸辣湯底可以揀辣度，因為第一次食米線陣，唔知佢辣度點，所以我保守一點揀左小辣，辣度正常，但酸香就不及譚仔
同樂富的同事食lunch通常食貴嘢，今日同事都出外工作了，得返得一個，就自己去樂富商場睇下有咩食。
＊＊＊＊＊＊＊＊＊＊＊＊＊
天氣熱唔想食飯，而且特別想食酸嘢，附近冇譚仔或南記，見哩間米線陣都有酸辣米線，就決定揀哩間。
黎到已經一點，入面坐滿人，好彩我得一個人，好快就可以有位。
米線陣係美心旗下，座位就似貴版譚仔，比較乾淨整潔，就算一個人要搭枱都唔會好迫。
餐牌入面有幾款固定米線，但因為冇酸辣，所以我決定揀米線自由配，可以自己揀米線、配料同湯底。
鹵水牛展+清甜蘿蔔酸辣薯粉($41)湯底有六款選擇，有辣有唔辣，本身跟左腐皮、芽菜、芫荽、芝麻同米線($25)，另外亦可以加錢轉薯粉或稻庭烏冬，我就加左$3轉薯粉。配料則有廿多款選擇，由$5至$8，我揀左鹵水牛展($8)同清甜蘿白蔔($5)。
酸辣湯底可以揀辣度，因為第一次食米線陣，唔知佢辣度點，所以我保守一點揀左小辣，辣度正常，但酸香就不及譚仔和南記，不過都可以接受。
牛展$8有五塊，每款都紙咁薄，算是不過不失。蘿蔔夠腍沒有渣，好味。薯粉則偏腍，不夠彈口有點令人失望，份量亦不算多，跟譚仔南記差不多，但麵量不及三哥。
總結，以連鎖形式的米線店來說味道算可以，但有得揀我都係會揀返譚仔或南記。
Post
