京滬佳餚 (The LOHAS康城) (Closed)

紅燒肉有七大舊肉，最恐怖七舊肉裏面五舊係超肥嘅，肥嘅比例可以係80至90%，粉紅色嘅醬汁完全同餐牌嘅炆紅燒肉嘅感覺係兩回事。這個醬汁是杰踢踢的，這個紅燒肉完全係未夠火喉，瘦肉部份完全咬唔開，感覺似湯渣，汁只係係外層包裹住，瘦肉完全係白色沒有味道。我們三個人每人吃一件，剩餘最後四件，每一舊都係超肥，跟住一邊食一邊叫侍應生通知佢實在太難食，他主動叫經理，叫我們向他反映。我反映給他叫他自己看看這是紅燒肉嗎？每一件肥肉超過五cm，瘦肉只是最頂的部份，最後一件留給他自己看，十分之九全部係肥肉包括我哋碗中的其餘三舊，向他反映，他只說會同廚房傾傾，多謝我們俾意見。試問$98一碟餸我們碗中的三舊加碟的一舊，根本超肥吃不了，這個經理連取消這碟餸的表示也沒有，你拎走我一夠大豬肉，也值$14啦，還有加一。還未計我們碗中的三大件肉，所以這個經理根本一啲唔識處理客人投訴，基本待客之道都冇，我直情同佢講我會喺OpenRice發表意見㗎，最少都賠償我相同價值嘅糖水/甜品，因為我真係真金白銀找數㗎。