我杯茶 (永興樓)

Open Now

Now Closed

上年同大少已經試過呢度嘅午餐,之後一直都只係經過買外賣奶茶，直至上次買奶茶嘅時候，見到佢有新嘅午市套餐所以決定返兜。本來我一直都想試吓佢個仙草麵，後尾入到舖頭，心大心細最後決定叫咗薑蔥雞飯，大少就叫咗咖喱豬扒飯。平時我哋飲凍奶茶，今次決定一齊飲凍鴛鴦。個咖喱豬扒飯，都係半煎炸完啲豬扒上面，放咖喱汁，嗰啲咖喱汁又同茶餐廳冇乜分別。我個碗飯就鋪滿蔥油雞，頭嗰一，两舊雞比較嚡，之後嗰幾舊就滑返啲。薑蔥再唔係太鹹，我都用咗少少嚟撈飯。可能疫情關係，所以舖頭都冇乜人食飯，我哋兩個都坐得比較鬆動，$60一個餐有飯有凍飲都可以講係平靚正。