麻辣川米線

Open Now

Now Closed

其實剛開張時食過一次，果陣記得都叫做不過不失，叫做合格，之後幾年都冇幫襯過，直到尋日，朋友話想試下，咁就諗住睇下幾年後佢變成點啦，點知仲衰，唔怪之得間鋪得小貓三四隻啦，中哂伏。我叫左碗麻酸辣中辣加炸醬韭菜餃腐皮，成碗野得個酸字，好少辣味，成碗醋水咁，作為鐘意食辣嘅我簡直失望，仲衰過譚仔十小辣，其實不如唔好問我要幾辣啦，問我要幾酸好過啦，呢碗野應該叫大酸， 堆所謂嘅甜酸炸醬….份量又少，我都唔知食左d咩，可能俾d酸掩蓋哂啦，豬肉韭菜餃同腐皮ok la, 總括黎講，係葵芳食米線我都係幫襯返三哥譚仔穩陣d，起碼人地有辣味，對得住酸辣兩個字！！！又或者去食返小雨天，雖然大不如前，但都叫做好過呢間野！