一人前拉麵

Open Now

Now Closed

原來亦都有好一陣子無寫食評了。今次因開會入到黎元朗，都真係好耐無黎過，但係元朗都仲係好似以前咁。開會後準備返市區，誤打誤撞路過一間裝修好日式既拉麵店（不過個門牌就好港式咁大大隻拉麵兩個字掛住係度）。不過咁耐未入過元朗就試下元朗食肆既水準，入到去即刻聽到始起比落既招呼（好港式，一啲都唔齊）。不過到正題，同市區既拉麵店好類似，都係得好少款，同埋有得選擇要咩唔要咩，睇相4款都好似唔錯咁，不過我習慣去未食過既拉麵店都會食返原味，加上佢價錢唔貴，咁就叫左個白前。黎到聞到好香，一黎就指定要飲湯先，好熱但係幾香幾好飲，仲好重肉香， 好想即刻飲第二啖。再黎啖麵，一般，好似啲中式麵咁，即刻扣返分，再食個叉燒，好淋好濃肉味，我諗係我近黎食過最好食既叉燒。近年香港黎左好多拉麵店，有好食有唔好食，呢間算係好食既一間。不過地點問題，我再入去我諗會唔識點行，但係再有機會我會黎試埋其他味。