富臨漁港囍臨門酒家 (Closed)

本來酒樓食評唔想寫,不過實在太好食,要寫一寫才安落。新開張,有coupon送條海斑。等左差不多一個鐘,終於入座。裝潢華麗不俗套。一讚的是雖然咁多人客,但服務不"論悉",首先坐低已有"sales"「建議」呢個餐抵食,哪個餐抵食。怕你求其哎一兩個小菜,就「白白送」條魚俾你麼?跟住用餐時,也不斷有人替你換碟。後黎我地真係叫左個餐,係抵食既!有響螺雪蓮果湯(勁正!!勁住家味!侍應讚道,佢地酒樓既湯,真係好靚,好好賣)、蟹皇皇帝菜(夠蟹肉蟹皇,夠味)、咕嚕骨(出奇地脆口)、玫瑰豉油雞(太多餸,拎走左)、馬來亞炒蝦球(蝦球爽口,仍有少少鮮味)、海斑黎喇(四位以上,有斤八兩。果然足秤!)吃魚世家,竟然會食淨魚!?因為份量真係好夠,我地五個人,都食唔晒。諗住叫果盤送來之際……..蒜蓉帶子送來!大家都完全忘記了,有成八隻咁多,飽都要食埋啦!雖然唔係好厚肉,不過夾埋蒜蓉+粉絲,好滿足好滿足。