漲格重慶老火鍋 (Closed)

約左朋友去吃飯，決定來旺角漲格一试，咁 啱 比我地試到今日才推出的<椰子雞煲>，當然還有至愛的麻辣火煱啦，一於來個鴛鴦湯底。侍應話個新煲係用新鮮清遠雞，唔怪之得咁鮮甜甘香，唔似得d冰鮮雞咁冇喱味道，個湯睇得出用心做，正！而我至愛嘅麻辣湯底今次有d唔忍心食，因為師傅用牛油雕刻成隻好可愛嘅熊仔，而隻熊仔係要放入d湯度溶左佢架，不過佢嘅犧牲係有價值嘅，令到個湯底更香辣。今次叫左幾樣較特別嘅配料，分別有串串牛肉，呢係用牛肉包住泡椒，非常過瘾！白鱔片有口感，新鲜帶子放在麻辣湯别有一番滋味。海白菜亦是第一次食，口感似海帶。安格斯牛肉多雪花。我最愛是手打蝦滑，超彈牙。還有蟹棒，粒粒凍豆腐，吸收麻辣湯更好味。還有桂花味酸梅湯，辣到飛起飲完舒服晒。正！