Simplylife The East The West (Closed)

度度都多人，間間都加價，bf又話唔食老麥，咁就試下呢間simplylife。。想試好耐，不過無人陪。。。。。等左15分鐘左右就有枱都算快，坐邊都已經無咩所謂，坐左係進出露天位既門口。。 但係服務好差，只係serve我地果枱個戴眼鏡女仔服務差。。將碟食物上枱果陣又撞我，又係我後面送餐，萬一失手倒晒落我度咁點算? 又唔講係咩黎，唔問係邊位叫，就咁放低就走，湯又唔係連包一齊送黎，包又無比牛油刀。。。。。今日咁多客係辛苦，無笑容都唔緊要，唔好黑面囉。。。。。d野幾好食都已經扣左一半分。。叫左肉眼排同埋冬陰功燴飯，跟餐加$18，有湯有野飲(ice tea/sprite),其他野飲要原價。。。。。。南瓜湯 - 比較稠，不過我鐘意包 - 超正，食左兩塊肉眼排 - bf叫5成熟。。 黎到起碼7成熟，條邊仲要燶。。。。。個蕃茄係開始爛，有陣味。。冬陰功燴飯 - 反而唔錯，唔太辣，適合食唔到辣既朋友。。 略嫌覺得可以再重味多少少， 就會更好。。ice tea正常野，檸檬茶，不過飲品等好耐。。 一開始落order要落埋，千祈唔好等食完先叫，會渴死都未黎到。。