組長日式放題 (Closed)

同事和我今晚咁啱都俾老婆撇下，所以我地約埋一齊收工去食餐好，公司為食團團長推介我地去銅鑼灣京都廣場10樓嘅組長日式放題食，而且提我地一定要加錢食埋極上嘅食物，團長介紹得一定有保證，我地6點收工就直接去walkin。由於我地到餐廳時未夠7點，客人未算好多，不過7點半左右，一到繁忙時間就相當多人。餐廳掛滿日式燈籠，配合好多富有日式風格嘅裝修擺設，和風味好突出，而且座位都幾寬闊，唔需要好似一般放題店坐得咁迫。😙放題款式選擇都好多，另外有一張點餐紙注明要加$38才可享用，應該就係團長推介的，我地當然會加啦。另外自取任飲任食的飲品同甜品款式都好多，當中仲有我好鍾意嘅利賓納飲。😍團長推介加$38的極上Menu果然超值，可以任食鵝肝、安格斯、珍寶帶子、特大赤蝦、蟹腳同焗蠔呢d貴價食材，當中安格斯牛柳同珍寶帶子我地食得最多，呢度嘅牛柳絕對唔係普通放題水準，牛肉味好濃，入口軟腍多汁，熟度剛好，我地refill左幾次先食得夠。珍寶帶子超大隻又鮮甜，我地不停點不停食，最後食左幾多隻已經數唔到。😄另外二人以上會送刷刷鍋，我地揀左北海道海膽花膠鍋，個鍋嘅海鮮都好豐富，我第一次食熱嘅海膽，味道都幾鮮甜。👍其他放題