名廚 (Closed)

今日完左祟拜, 去左太安樓行吓, 太安樓實在太多美食。 每行幾步就聞到香味, 越行就越肚餓，又係醫肚嘅時候。這裡大部份都是小食檔, 終於揾到一間係有座位嘅"名廚"。 在門口看到午餐只係$32有飯有湯好抵食, 一於試下。 名廚地方不大, 座位有限, 整齊而且清潔，每枱上更有紙巾供應使用，甫坐下，便有人奉上茶水及例湯，十分細心。我㸃了牛肉炒河, 例湯是合掌瓜瘦肉湯。 合掌瓜瘦肉湯很清甜。 沒有加入味精, 喝後不會口乾。牛肉炒河跟一般的不同, 不是干炒是濕炒, 份量頗大碟, 河粉吸收了醬汁非常入味, 牛肉切得薄, 煮得很腍，我吃得津津有味。 這裡雖然没有特別的菜式，但以服務,食物味道及價錢來吸引客人， 還是卓卓有餘。