尚八日式燒肉店 (Closed)

呢間燒肉放題嘅A4和牛放題十分唔錯～ 成日都同朋友去食 睇一睇啲肉嘅油脂分布就知唔講得笑🙊叫A4和牛放題嘅客人坐底就會有一客刺身同埋一個和牛拼盆～ 啲刺身都幾新鮮👍🏻而一睇個拼盆就知有質素！ 叫咗幾round都係牛三角最入口即溶🤤 唔想太油嘅話牛胸腹都係一個好選擇👍🏻～另外，都十分推介佢哋嘅燒海鮮！ 啲蜆真係好大隻好鮮甜，蝦亦都十分新鮮同大隻，食到不斷encore👍🏻 而其他非和牛嘅肉類水準亦唔錯～呢度嘅小食（麻醬波菜、日式蕃茄、青瓜等等）都幾好食～ 有啲都幾fresh可以中和吓啲油膩感🤣整體而言都好推介呢間餐廳俾大家👍🏻