Video
Read full review
2021-11-24
37 views
「不時不食」係一餐おまかせ(omakase)最能夠體現到出黎。幾個月前食過夏季既omakase，趁住天氣轉凍，係時候約個最識食既朋友再次出動，嘆下冬季時令既日本食材，順便一解「思鄉」之苦！║前菜、刺身║🥢前菜先黎一道慢煮鮟鱇魚肝，鮟鱇魚本身其貌不揚，但鮟鱇魚肝就係當中既寶藏，啖啖滑溜，伴上既柚子茸帶黎絲絲清新，係個好正既開胃菜；🥢再黎花咲蟹拆肉，伴蘋果醋加土佐醋混合而成既啫喱，酸甜交錯，仲有d紫蘇花香；🥢煙燻鰆魚視覺效果十足，伴上醃洋葱幾特別，刺身豉油帶甜味，平衡得好好；🥢鮫鰈魚經過火灸，油香十足，再裹入芽葱及柚子啫喱，清下味蕾；🥢期待已久既秋刀魚絕對係時令之選，魚身裡面有d醬油脆脆，表面都有火灸處理，鍾意濃味魚香一定唔可以錯過！║煮物║慢煮三個鐘既磯煮南非鮑魚，size超巨型！湯頭有昆布同清酒，仲有師傅既無限愛心。（秘方）🤣🥰║炸物║甘鯛松笠燒令人眼前一亮，炸到好香脆既鱗片，唧d青檸汁同埋喜馬拉雅山岩鹽，食埋熱辣辣而腍滑既魚肉，香口野永遠都係不可抗拒既！食埋薑芽清下口腔味蕾，為壽司做好準備。║壽司║🍣 昆布鹽漬帆立貝壽司，梅子作topping，清新鮮甜；🍣池魚魚邊壽司，魚邊經灸燒過，
║前菜、刺身║
🥢前菜先黎一道慢煮鮟鱇魚肝，鮟鱇魚本身其貌不揚，但鮟鱇魚肝就係當中既寶藏，啖啖滑溜，伴上既柚子茸帶黎絲絲清新，係個好正既開胃菜；
🥢再黎花咲蟹拆肉，伴蘋果醋加土佐醋混合而成既啫喱，酸甜交錯，仲有d紫蘇花香；
🥢煙燻鰆魚視覺效果十足，伴上醃洋葱幾特別，刺身豉油帶甜味，平衡得好好；
🥢鮫鰈魚經過火灸，油香十足，再裹入芽葱及柚子啫喱，清下味蕾；
🥢期待已久既秋刀魚絕對係時令之選，魚身裡面有d醬油脆脆，表面都有火灸處理，鍾意濃味魚香一定唔可以錯過！
║煮物║
慢煮三個鐘既磯煮南非鮑魚，size超巨型！湯頭有昆布同清酒，仲有師傅既無限愛心。（秘方）🤣🥰
║炸物║
甘鯛松笠燒令人眼前一亮，炸到好香脆既鱗片，唧d青檸汁同埋喜馬拉雅山岩鹽，食埋熱辣辣而腍滑既魚肉，香口野永遠都係不可抗拒既！食埋薑芽清下口腔味蕾，為壽司做好準備。
║壽司║
🍣 昆布鹽漬帆立貝壽司，梅子作topping，清新鮮甜；
🍣池魚魚邊壽司，魚邊經灸燒過，以豉油同埋少許薑茸topping，油香四溢；
🍣真鯖魚壽司，掃上豉油，以三星漬及七彩芝麻作topping，味道較鹹香濃郁；
🍣烏賊壽司，伴柚子皮，以七彩芝麻及明太子醬做topping。實在好驚喜既一貫壽司，烏賊意外地超鮮甜，加上柚子皮係錦上添花；
🍣黑目魚壽司伴wasabi昆布，隱約地食到芥末既點點辣度；
🍣熟成14日中拖羅，伴wasabi漬，熟成左既拖羅一方面保存左油香，另一方面亦令肉質鬆化，幾特別既體驗；
🍣大拖羅茸手卷，伴醃蘿蔔，師傅有正常同少飯既option，一大啖咬落去感受到油份係口腔爆發，好食到講唔到野！
║蒸し物║
黑松露舞茸蒸蛋，蛋既上面灑左檸檬皮，正好同舞茸既甘味產生特別既效果，而獻汁亦都係煮野菌既水份，原汁原味。
║江戶前たまご🥚（玉子燒蛋糕）║
江戶前玉子燒絕對係omakase店考牌之作，雖然外貌上係一口大小既蛋糕，但師傅強調無加入任何麵粉，就只有魚肉、蝦肉加入蛋漿烤焗而成，火候既控制要極為準確。一啖咬落去係濕潤軟綿既蛋糕感，味道十分甜美，間中滲出海鮮既香氣，好幸福呢！
║吸物║
同一般店提供味噌湯唔同，店家提供既蟹肉豆乳湯既湯頭由松葉蟹熬製，內有滑溜既豆腐，同埋由松葉蟹肉加上蝦肉製成既蟹肉魚蛋。
║甘味║
時令既北海道赤肉蜜瓜同和歌山柿，多汁又甜美，簡單而滿足既結尾。
Post
