千賀水產の鮮鍋道場 (Closed)

今晚同呀媽補祝返母親節，之前聽朋友介紹呢間放題火鍋除咗食火鍋之外，仲有好多唔同嘅熟食，好似幾吸引！今日就決定嚟試吓！湯底嘅選擇好多，而套餐亦都包左一個海鮮拼盤及刺身拼盤，其他嘅食物就可以無限任食。除咗任食嘅火鍋之外，餐廳仲設有一大個空位俾人做自助餐，沙律吧嘅選擇都幾多。熟食嘅區域十足十酒店自助餐咁自助甜品區有水果、豆腐花及各種蛋糕，當然仲有唔少得雪糕雪條啦。呢個燒火腿扒幾好食！ 點左湯底冇幾耐，店員就會送來一個火鍋拼盤，呢個係四人份量，份量都不少。四人份量嘅刺身拼盤。牛肉肉味香濃、肉質嫩滑。蔬菜係自助區到自己夾嘅，種類非常之多！