湯直送 (Closed)

最近見到多左好多以湯為主打嘅店，但自己一直就覺得點都係自己煲較好，所以就無去試過。而今次係尖沙咀呢邊行街，姊妹話見附近有湯飲就帶我黎試。估唔到質素比我想像中好好多，足料飲完唔口渴，而基本款式都有十多款，今次兩人叫左兩盅，每人平均$60。原來有APP可以落Order，新入送30積分，仲可以24小時落單，半夜想飲都可以叫。堂食仲有幾款自家調味料比你加黎食。蟲草花栗子燉素湯 $55湯有好多料，相信係真材實料，味道偏清清地，而色澤透徹，飲落好舒服，呢個時候飲補一補一流。胡椒豬肚燉湯 $55 胡椒味好香好濃，唔會過咸，非常推介呢個，飲完即刻暖哂。湯料一樣都係好多，豬肚都有六七舊，唔腥又入味爽口。