Video
Read full review
2023-01-26
626 views
一定無下次！！！本來諗住一家人年初五開開心心燒野食，換來一肚氣。e間係我去過既燒烤場最差嘅1間。佢只值得一個負數嘅分數。入埸: 上網book 左12pm. 一家人準時到達燒烤場，但都要曝曬排隊排30分鐘先比到錢入埸，因為只得一個阿嬸係度收錢。原本book左C區有蓋位置，因為驚大風吹親老人家，去到覺得唔算大風，所以同個收銀阿嬸講轉戶外位，佢話戶外位要行好遠，咁好啦唔轉。但當我們去到C區有蓋位，發現由我地個位罝行10步就有戶外位，仲有大把爐大把位，點解收銀阿嬸話要行好遠呢？擺明佢懶到出汁連改個字都唔肯。態度超差!成人每位$208，限時4小時，聽落收費合理公道，但食物質素一般。所有肉類要排隊配給, 只有魚旦,腸仔可以自己攞。要排隊無問題，但只得1個阿嬸負責執野食比人。冰波蘿每人限1塊，冰菠蘿咁珍貴嘅咩？冰菠蘿唔係金菠蘿喎，仲要係排隊攞第1 round 野食就比，要即刻食，如果唔係冰菠蘿變熱菠蘿。最差係一個燒烤爐只係比半袋炭，之後唔該自己比錢買。我未去過啲燒烤場只係比一細包碳，包炭只係可以燒到一個半鐘頭 ，想燒耐d，要比錢買炭。得一細包炭，一定無可能燒4小時。個厠所臭過公廁。咁差嘅營運，唔明白
本來諗住一家人年初五開開心心燒野食，換來一肚氣。e間係我去過既燒烤場最差嘅1間。佢只值得一個負數嘅分數。
入埸: 上網book 左12pm. 一家人準時到達燒烤場，但都要曝曬排隊排30分鐘先比到錢入埸，因為只得一個阿嬸係度收錢。
原本book左C區有蓋位置，因為驚大風吹親老人家，去到覺得唔算大風，所以同個收銀阿嬸講轉戶外位，佢話戶外位要行好遠，咁好啦唔轉。但當我們去到C區有蓋位，發現由我地個位罝行10步就有戶外位，仲有大把爐大把位，點解收銀阿嬸話要行好遠呢？擺明佢懶到出汁連改個字都唔肯。態度超差!
成人每位$208，限時4小時，聽落收費合理公道，但食物質素一般。所有肉類要排隊配給, 只有魚旦,腸仔可以自己攞。要排隊無問題，但只得1個阿嬸負責執野食比人。冰波蘿每人限1塊，冰菠蘿咁珍貴嘅咩？冰菠蘿唔係金菠蘿喎，仲要係排隊攞第1 round 野食就比，要即刻食，如果唔係冰菠蘿變熱菠蘿。
最差係一個燒烤爐只係比半袋炭，之後唔該自己比錢買。我未去過啲燒烤場只係比一細包碳，包炭只係可以燒到一個半鐘頭 ，想燒耐d，要比錢買炭。得一細包炭，一定無可能燒4小時。
個厠所臭過公廁。咁差嘅營運，唔明白點解有人比好評？沿住汀角路有許多燒烤場，之前去嗰d都好好。後來睇某網上雜誌介紹十大燒烤場，見到介紹e間，唔明咁差都介紹??? e間係我去過既燒烤場最差嘅1間，絕無下次!!!
Post