譚點 (Closed)

今天星期六的中午，我和太太往九龍城諗住試下譚點飲茶，因為朋友話這裡飲茶ok，在門口等了十分鐘後，就有位座了，點了食物後，發現店內又熱又焗，我我見其他食客都臉紅紅的樣子和見店內之冷氣都有開，可能因為電費貴，老闆開細啲啦！ 但飲茶喎，又點可以無冷氣呢？ 於是我（有禮貌地）就同一個無穿制服又做緊野既麻甩中佬（相信係高級啲職員或老細啦，因以我經驗搵穿制服果啲都無乜用）要求佢可否開大啲冷氣！佢竟然答我開左！ 之後就雞咁腳行左去！ 連我太太都話好熱點食，仲要攞自己把扇出黎用！隔左5分鐘，我太太再同佢講，佢竟然扮失聰行左去 ，原來有啲咁既人，如果佢自己出街食，問啲侍應攞野或要求啲野，佢唔彩你，行九左去，佢又會有乜感覺呢？再過5分鐘，佢先攞個remote出黎扮野㩒下，但都沒有涼到！（相信有其他食客投訴！）我們立刻急急腳食埋啲野就埋單走，咁食法真係食左乜味都唔知啦！ 因為真係好熱 ，呢間野比我既感覺係完全唔尊重客人，我要求開大小小冷氣姐，是否很過份呢？咁熱又點食呢？不知所謂！