咖啡亭 (Closed)

早幾日係社交網站睇到有人介紹咖啡亭呢間自助餐，佢講到明話呢間嘢食品款式唔多，但係夠精，亦見佢段片介紹啲長腳蟹幾有水準，仲要3百幾蚊好似幾抵咁，於是就係2月2日，即係小弟生日嗰日同埋老婆同個仔去食下啦，點知一去到，我只係見到一大班人，係一個約三百尺嘅空間係左穿右插咁攞嘢食，當堂打個突，心諗呢次真係中伏多架喇，希望之後啲人飽咁啲會小人啲啦，入到去坐低左，我就去排生蠔啦，每次排隊大約都會有十個八個人，但條隊係圍住張冷盤枱嚟排，生蠔枱係最入，即係張冷盤枱永遠都係有人係道，而啲長腳蟹，你永遠都係見唔到嘅，每次加長腳蟹時，都係加十令隻腳，一放落去，就會即刻比企係隔離啲人一次攞晒，我成晚都攞唔到，好似搶食咁，總之就不知所謂，生蠔有兩款，味道可以，凍蝦完全冇任何味道，刺身有三文魚，甜蝦，八爪魚，味道還可，其他熟食完全唔掂