Video
Read full review
2017-08-26
296 views
幾年無食，估唔到而家啲質素變到咁差！叫左個春卷湯檬粉，下午茶時段，成間餐廳得小貓三四隻，都要等15分鐘先上湯粉。黎到，嘩，湯就多嗱，檬粉又少又碎又淋，都唔知浸左幾耐？啲春卷仲離譜，未試過咁難食嘅春卷，係就係炸到脆卜卜，但裡面嘅菜都唔熟。仲有杯凍檸茶，食到差唔多完先送黎，大佬，沖呢啲最普通嘅飲品洗唔洗等半個鐘？仲要唔係繁忙時間喎。最後都食唔落啲春卷就走人，去埋單先谷氣！點解價錢唔同左嘅？唔通有加一？問佢啦，個阿姐串爆咁掉張單比我同我講：檬粉加$2，凍飲加$5。。。但餐牌明明寫凍飲加$2，點解變左加$5？一問，佢又西面答：假期加$5！嘿嘿，我真係估唔到非紅日嘅星期六佢都當假期囉。。。講真，你要搞咁多魔鬼細節黎加價，不如直接加價或者加一好過啦，鬼鬼祟祟真係令人好反感，仲要態度咁差添！總之我係以後都唔會幫襯佢囉。比錢買難受！
叫左個春卷湯檬粉，下午茶時段，成間餐廳得小貓三四隻，都要等15分鐘先上湯粉。
黎到，嘩，湯就多嗱，檬粉又少又碎又淋，都唔知浸左幾耐？啲春卷仲離譜，未試過咁難食嘅春卷，係就係炸到脆卜卜，但裡面嘅菜都唔熟。
仲有杯凍檸茶，食到差唔多完先送黎，大佬，沖呢啲最普通嘅飲品洗唔洗等半個鐘？仲要唔係繁忙時間喎。
最後都食唔落啲春卷就走人，去埋單先谷氣！點解價錢唔同左嘅？唔通有加一？問佢啦，個阿姐串爆咁掉張單比我同我講：檬粉加$2，凍飲加$5。。。但餐牌明明寫凍飲加$2，點解變左加$5？一問，佢又西面答：假期加$5！嘿嘿，我真係估唔到非紅日嘅星期六佢都當假期囉。。。
講真，你要搞咁多魔鬼細節黎加價，不如直接加價或者加一好過啦，鬼鬼祟祟真係令人好反感，仲要態度咁差添！總之我係以後都唔會幫襯佢囉。比錢買難受！
Post