肉餅哥小炒料理 (Closed)

11/3朝大約11點左右幫襯這間所謂既肉餅專門店。其實都唔係第一次食，不過知佢價錢貴，都好少入去食，果日唔係隔離個間大飯榶未開門，我根本唔會去。入到去，比平時多人，可能因為星期日吧。坐低叫左一個雞排麵同摩菇奄列，由11:04坐到近11:35都未有野食，其實唔止我一個，其他客都好不滿，因為等碗麵都半個鐘。泥到個雞排麵，冧都死，仲衰過自己整出前一丁食，個奄列，唉，唔好提，我唔明佢整半小時，整左啲咩。其實仲有叫一個椒鹽肉餅加多士，所謂既輕食餐，唔好意思，我無食到，因為45分鐘都未泥，我取消左走人。總括而言，收到50-60蚊一個肉餅，唔該，用下心啦，擺出一道扮專業既款，其實咪又係一塊平平無奇既肉餅。順帶一提，伙計質素低劣，無表情，服務態度差，不食也罷。