澳門街 (Closed)

唔知係唔係呢個舖位在信德二樓，較偏僻，所以年來幾間餐廳都做不長，現在就開了這間。不知是不是樓下澳門茶餐廳日日排長龍的關係，呢度都以「澳門」作招徠，查實個餐牌又好似港式的茶餐廳。裝修以半開放式，顏色以淺色為主，光猛簡潔，都不錯。除了餐廳的部份，後半部還有幾部電腦給人上網，幾得意。星期五下晝同兩個同事來信德吃飯，見樓下安琪兒同澳門都排長龍，所以就上來試試。午餐普遍比澳門茶餐廳貴幾蚊，不過就多了個湯，選擇亦好似無咁多。同事們要了貴妃雞餐，我就要了咖哩豬扒。先來的西湯是羅宋湯，色是夠紅，但味道奇淡，明顯是溝水之作，渴了兩口已放棄，而同事們的中湯亦有相同情況，似乎這裡的餐湯還是可免則免；咖哩豬扒及飯是分開上，飯一大圈，豬扒兩大塊同不少的咖哩汁，份量很多，女士的話二人分吃都夠飽。咖哩有紅油浮面，但不算辣，不是馬來咖哩凡重椰汁味，香料味道亦薄薄的，用來撈飯都算過得去。万豬扒煎過，但少少韌，鬆肉粉的招呼不算多；同事的貴妃雞是完全的白切雞，賣相一般，味道還不可算是差。餐後的熱咖啡反而不錯，不過就細杯左D。侍應服務勤快，不過就有點冒失，我們的餐具要催3次至齊備。餐要40蚊，算係咁，不過有得選擇的話會去番樓