雞翼山 (裕民坊YM²)

Open Now

Now Closed

今日放假行過觀塘凱匯樓下，媽咪order咗要買壽司，對面竟然有雞翼山，作為雞翼fans嘅我點可以唔買埋返屋企呢？12件雞翼加飯品（$128）揀咗三款唔同口味嘅雞翼，包括黑松露武士、港式鹹檸七、港式避風塘蒜香，雞翼烤到好香，加上款完全唔同嘅調味，好多變化。黑松露武士有滿滿嘅紫菜加上淡淡松露香，回味無窮。鹹檸七雞翼將檸檬嘅香融合七喜嘅甜味，鹹酸甜脆共冶一爐，感覺好清新。原隻雞翼上面平均甘灑上酥脆香口嘅蒜酥，好惹味。不要儀態一人C餐（$58）套餐有兩件文青風玫瑰雞翼、鰻魚片天婦羅、明太子無骨雞翼croffle包同食品，其中玫瑰雞翼果然名不虛傳，香脆雞翼淋上淡淡的玫瑰糖漿同花瓣，又靚又好味！口感鬆軟嘅Croffle即係牛角酥加上窩夫，牛油味超香。餡料方面，有香甜菠蘿加上香濃明太子蓉雞翼、生菜、沙律醬，層次好豐富，令人滿足。雖然即叫即整要等一陣，但食物新鮮熱辣又高質，店員手腳快同態度友善，值得一讚！