食口福 (Closed)

呢間野好多時經過都唔會入去食，因為食過佢啲飯餐，唔太掂。正因為上次食完時新漢堡包之後先諗住試下呢間同時新類近既港式快餐店既漢堡包。去試之前咁就上嚟openrice望下啲人點評個漢堡先走嚟試喇，望食評有人話好食，點知一試就中伏。如果你食過時新就知咩叫好食喇，不過本身冇話好大期望，所以冇咩點失望。包：普通一般既包，微暖唔熱。漢堡扒：冇咩肉汁，肉質鬆散，偏乾身，冇咩牛肉味，只係比m記好少少咁大把。醬：普通沙律醬，大路野。薯條：好普通既薯條，一般茶記用開個種，無咩特別。成個包得醬同肉就咩都冇，好簡單。