亞里斯餐廳 (Closed)

尋晚同朋友去左呢間餐廳食飯，點知俾我見到呢間餐廳既待客態度真係好差....事源係尋晚食食下飯，隔離枱好似有d 事發生，我就八掛望下啦，點知原來係個侍應成杯咖啡/奶茶倒左落人地個袋入面。之後受害者就拎哂個袋d 野出黎睇下有咩整濕左啦，我都以為好小事，點知...佢地拎左部相機同NDSL 出黎，d 電同card 拎出黎都有哂咖啡/奶茶0係入面，我心諗整返都無用啦...個袋仲誇張，成杯野0係入面，仲有d 冰架wor...不過我就睇唔到係唔係貴袋，但應該唔係Gucci 同LV 呢d 名牌既。之後受害者同個經理理論，仲叫埋差佬，好似好大件事咁。估唔到食餐飯都好似睇戲咁。到最後個經理咩都唔肯賠，仲將所有責任都推哂俾保險公司...我諗你地公司整到人地d 野咁又濕哂，整返都無用啦...賠返俾人都唔係好過份即...好彩受害者唔係我，但我都好戥佢慘囉。完全不負責任。