赤橋拉麵 (Closed)

去屯門行街多數留係市中心，今次為左搵食過左另一頭，估唔到又真係尋到寶！赤橋舖頭細細，不過典型日式風格都幾顯眼。岩岩去到唔知以為唔洗排隊，原來條人龍隱藏左係隔離嘅巷仔，不過都唔洗等好耐就入到去牆身嘅畫幾得意，空間唔大但佈置得幾溫馨依然係日本style，餐牌就三款拉麵海老豚骨好濃郁！入口就係香濃嘅蝦湯味，相信係熬煮而唔係味精。拉麵冇得揀軟硬到，覺得口感岩岩好（作為參考，我鍾意偏軟少少嘅麵），肉冇咩太特別，反而蛋嘅流心做得岩岩好，荀亦好爽甜。魚介豚骨冇蝦湯咁驚豔，畢竟魚湯味道比較清淡，不過都有鮮味，鍾意清淡少少嘅朋友可能比較適合呢款～有時小店製作更用心，亦都唔係公式化嘅味道。店員全部都好有禮貌，真係好似去左日本嘅地道舖頭，好愉快嘅晚餐體驗！