小越南 (Closed)

夜晚食小越南，晚巿套餐有主菜+小食+飲品選擇困難最後揀左豬軟骨粉絲+越式蒸粉包+熱奶茶豬軟骨粉絲湯底味道比較濃+油膩，雖然豬軟骨腍軟，每件都保證有軟骨同肉，但用紅白蘿蔔炆煮，要努力挑走紅蘿蔔。餐牌上豬軟骨旁邊有辣椒圖案，但唔辣，所以要問職員加辣。越式蒸粉包同腸粉差唔多，但要摺疊成四方形，皮厚唔滑，食落一般般無驚喜，食慣中式腸粉嘅人未必會鐘意。全餐不過不失，食完有種空落感。