意樂餐廳 (禾輋廣場) (Closed)

今天到禾輋探親戚，經過商場見呢間餐廳大排長龍，原來大部份是學生，等緊位食晏，好彩我要的是2人枱，等了10分鐘就輪到我。餐廳面積頗大，但除非可以安排坐到卡位，否則座位與隔隣只有幾吋距離，毫無私隱可言。午餐有很多選擇，但除主食外，只包括餐湯或茶啡，似茶餐廳多啲。豬扒意大利蕃茄濃湯扁意粉+多士+奶茶豬扒大大件，炸得很香而仍然保留肉汁，扁意粉煮得剛好，但野菌又乾又韌 ，鮮茄湯不夠濃，不過多士烘得很香脆，。羅宋湯+咖哩牛坑腩配珍珠飯羅宋湯味濃但蔬菜不多，咖哩牛腩炆得頗入味，更加有蘑菇和翠玉瓜做配菜，比一般牛腩飯健康。我個人吃西餐比較喜歡有湯、主食、咖啡或茶的組合，欠缺一款總令人有意猶未盡的感覺。