白鮨 (太古廣場)

Open Now

Now Closed

星期六係PP行左一圈，最後揀左依間裝修簡單明亮日本野同朋友gathering 一下。menu 勁多選擇，眼花撩亂，最後係朋友推薦下試左銀雪魚西京燒定食，朋友就叫左天婦羅烏冬定食。依個價錢，定食既前菜只係配中華沙律就有D hea囉。魚有兩件，魚肉滑既，但都只係正常應有水平，普通質素。飯就有D乾，全個定食都只係不過不失，睇menu既時候期望太高。另外朋友分左隻天婦羅蝦比我，因為蝦細隻，食落變左粉漿好厚既感覺。服務方面，水冇主動加，勁快就主動拎張單埋黎，餐廳唔full，我地都照坐傾下計。到2點幾3點左右，員工就話佢地食飯時間，咁岩我地坐既位係員工用餐既area，就禮貌地話可以同我地調位。不過我地廢事麻煩就走了，當時都仲有其他人係餐廳，應該就冇落場時間。