Video
Read full review
2020-03-27
1880 views
之前成日經過保安道，知道依間餐廳都一段時間，今日終於可以去試下個晚餐。環境一眼睇晒，可以坐廿幾人，如果坐滿都真係幾迫幾嘈。睇完個餐牌，發覺唔算多野揀。如果想叫Ｄ特別食物，例如Seafood Platter同扒類食品，就要睇出餸位上面塊版或牆上塊版。但係塊版好細塊Ｄ字又好細粒，而且又反光，睇得好辛苦。我地order左前菜－香蒜芝士焗法式田螺($32)薯蓉好滑，係油左d但整體唔錯～跟餐加$28嘅是日湯－黑松露忌廉湯黑松露嘅味唔會太搶，Good~煙三文魚，菠蘿芝士千島汁薄餅($76)可切到6塊，2個人食岩岩好。唔知係把刀太鈍定餅底太難切，一直都切唔到，所以要用手嘶開佢。我個人鐘意薄餅底嘅，所以見到都心心眼，個餅皮都脆脆地，而且都多芝士，係好味嘅。鮮蟹肉明太子忌廉汁扁意粉($66)講到明手工意粉，點都要試下佢地個主打。扁意粉係幾正，而且份量都唔少，可惜我覺得蟹肉只係罐頭貨色，並唔係新解拆出黎個d，不過幾十蚊都預左唔會係新鮮嫁啦。加多$10叫嘅熱情果菠蘿星星梳打，依個非常普通。不過有點小插曲，就係我地碟意粉俾左隔離個檯，我見隔離檯影下相咁，隔左一陣先同侍應講話黎錯左。咁侍應即check單同拎返入
環境一眼睇晒，可以坐廿幾人，如果坐滿都真係幾迫幾嘈。
睇完個餐牌，發覺唔算多野揀。如果想叫Ｄ特別食物，例如Seafood Platter同扒類食品，就要睇出餸位上面塊版或牆上塊版。但係塊版好細塊Ｄ字又好細粒，而且又反光，睇得好辛苦。
我地order左前菜－香蒜芝士焗法式田螺($32)
薯蓉好滑，係油左d但整體唔錯～跟餐加$28嘅是日湯－黑松露忌廉湯
黑松露嘅味唔會太搶，Good~
煙三文魚，菠蘿芝士千島汁薄餅($76)可切到6塊，2個人食岩岩好。唔知係把刀太鈍定餅底太難切，一直都切唔到，所以要用手嘶開佢。
我個人鐘意薄餅底嘅，所以見到都心心眼，個餅皮都脆脆地，而且都多芝士，係好味嘅。
鮮蟹肉明太子忌廉汁扁意粉($66)
講到明手工意粉，點都要試下佢地個主打。
扁意粉係幾正，而且份量都唔少，可惜我覺得蟹肉只係罐頭貨色，並唔係新解拆出黎個d，不過幾十蚊都預左唔會係新鮮嫁啦。
加多$10叫嘅熱情果菠蘿星星梳打，依個非常普通。不過有點小插曲，就係我地碟意粉俾左隔離個檯，我見隔離檯影下相咁，隔左一陣先同侍應講話黎錯左。咁侍應即check單同拎返入廚房，隔左一分鐘就拎返依碟俾我地啦。係依家痠情咁嚴峻下，唔會知隔離檯有冇飛抹噴到自己碟野，所以其實都幾擔心嫁，希望侍應下次可以醒目少少啦。
加埋一食左$233，價錢其實都幾抵，出貨可能會慢左少少，同埋得一個侍應，所以佢一腳踢會辛苦少少，如果漏單就要提醒下佢。
Post
