Video
Read full review
2015-01-25
1094 views
第一次聽到這間火鍋店個名時覺得好搞笑，真係會有人改呢d名，好...你贏啦！成功令人記住呢間餐廳。打者愛也地點本身唔算方便，但有地鉄之後我都冇抗拒去「西環」打邊爐囉。因為唔知道會否多人到要排隊，所以預先book定位，晚上7點去到不過唔多人，整體環境算係整潔，唔會太嘈。一坐低服務員放好左調味架任你"溝"，仲好好服務咁介紹餐牌添。我地點左清潤椰子雞鍋，一滾起已經好香椰子味，而且雞件都好滑好juicy, 好味啊！ 乜都未落既時候飲啖湯，我覺得係有落椰奶or椰漿咁，不過比我預期中香同滑，推介 (^_-)由於打邊爐人多先食得多野，呢晚只得2個人，所以落單都要諗諗食唔食得哂。服務員話相同的分類可以雙併，oh yeah...咁就好啦！不過要問清楚邊d得邊d唔得囉。手打四寶丸，墨丸、蝦丸、豬肉丸&牛丸，我覺得墨丸最彈牙好味，蝦丸just ok，而豬肉丸同牛丸都無一般般咁啦。香柏葉都爽口彈牙，而響鈴都ok，都炸得鬆化，放湯2-3秒要食架啦。頂級本地手切肥牛(小) $228，睇佢個樣以為唔差，應該幾好味，因為雪花分佈都平均，不過就瘦左d，點知灼左幾下放入口...umm...好瘦好鞋咁，而且冇乜牛味，真係俾
第一次聽到這間火鍋店個名時覺得好搞笑，真係會有人改呢d名，好...你贏啦！成功令人記住呢間餐廳。打者愛也地點本身唔算方便，但有地鉄之後我都冇抗拒去「西環」打邊爐囉。
因為唔知道會否多人到要排隊，所以預先book定位，晚上7點去到不過唔多人，整體環境算係整潔，唔會太嘈。一坐低服務員放好左調味架任你"溝"，仲好好服務咁介紹餐牌添。
我地點左清潤椰子雞鍋，一滾起已經好香椰子味，而且雞件都好滑好juicy, 好味啊！ 乜都未落既時候飲啖湯，我覺得係有落椰奶or椰漿咁，不過比我預期中香同滑，推介 (^_-)
由於打邊爐人多先食得多野，呢晚只得2個人，所以落單都要諗諗食唔食得哂。服務員話相同的分類可以雙併，oh yeah...咁就好啦！不過要問清楚邊d得邊d唔得囉。手打四寶丸，墨丸、蝦丸、豬肉丸&牛丸，我覺得墨丸最彈牙好味，蝦丸just ok，而豬肉丸同牛丸都無一般般咁啦。
香柏葉都爽口彈牙，而響鈴都ok，都炸得鬆化，放湯2-3秒要食架啦。
頂級本地手切肥牛(小) $228，睇佢個樣以為唔差，應該幾好味，因為雪花分佈都平均，不過就瘦左d，點知灼左幾下放入口...umm...好瘦好鞋咁，而且冇乜牛味，真係俾佢賣相厄左囉 -_-#
餃類太飽肚，所以揀左雙併，有芹菜香姑餃&蕃茄粟米牛肉餃。芹菜果款都ok，素食者應該會中意，爽甜芹菜加冬菇都好夾，不過冇乜冬菇味。至於蕃茄果款我真係不敢恭維啦！好怪既味道同口感，好似變壞左既酸叔味咁，好難食 (>﹏<)
鮮帶子都可以，不過份量再多dd就好啦 (偷笑)。仲有點左炸芋頭條 & 午餐肉，不過冇影相，講真，我唔明點解打邊爐食午餐肉，真係好怪。。個人感覺而已，不要對號入座喔！
Post
