瑞士咖啡室 (Closed)

通常茶餐廳都開喺地下，好少見有樓上鋪搞茶記，不過呢間瑞士咖啡室就揀咗喺二樓開檔，地方夠哂大，好多卡位，今晚我同朋友兩人都有得坐四人卡位。而且佢裝修都有些少心思，都係舊香港嘅backdrop嗰啲啦！懷舊主題係幾配合茶記嘅。基於我大病初癒，胃口認真麻麻，就點咗個台式肉燥茄子飯扣底，本身佢可以配特飲紅豆冰架，不過我就廢事飲凍野又出事，所以點咗熱檸樂。雖然個飲扣咗底，但仍然大大碗，可惜最愛嘅🍆得5舊，仲要同肉燥分開煮又炸得過份油膩，簡直暴殄天物，而且肉燥就不過不失啦，香味唔夠，但送飯都入到口嘅。熱檸樂反而人生第一次試，仲有少少氣喺入面，幾正喎！朋友點咗雞蛋蒸肉餅，嗯...佢唱咗句「比一般的大眾更一般 別自滿」