花園餐廳 (Closed)

花園餐廳都算係地道港式西餐既代表之一，好好食就一定唔會，不過就勝在價錢合理，份量大份搭夠。好似今日去左銅鑼灣金百利商場5樓商場度食晏，午餐有三款，32蚊，我就揀左鮮茄牛肉飯，D牛肉比梳打粉掩到冇晒味，D蕃茄又得個獻，認真麻麻地，不過又真係好大碟，加埋餐湯、麵包、餐飲，成完真係飽到上心口。若然只求飽肚，價錢又唔想太貴，食物質素普通就得，我諗呢度都係個好選擇。